"Silfur Egils"

 

 http://www.blogger.com/profile/12590545854084356803     

Ungur "Íslandsvinur" er á bak við þessa "Egilssögu"  http://faktor.blog.is/blog/faktor/entry/601146/

http://octavianbalea.blogspot.com/ 

 Þetta er enginn annar en hann Octavian, Rúmeni sem býr í Finnlandi  

 Octavian að spjalli við íslenska vinkonu í byrjun maí s.l. þegar hann var staddur í Reykjavík.

 

 

 

 

 

 

 

        

                       

 

 

Octavian í Studio Stafni á sýningu Guðbjargar Lindar Jónsdóttur 6.maí 2011       

 

 

 

 

 

 

 

 

 

 

 

 

 

 

 

 

 

 

í Hörpunni 5.maí 2011 

        

 

 

 

 

 

 

 

 

 

 

 

 

 

 

 

 

 

Sýning Octavians, á brúnni við Ráðhús Reykjavíkur 7.maí 2011, myndir og sögur á snúru, sem strengd var á milli flaggstanganna 

 

 

 

 

 

 

 

 

 

 

  

  

 

 

 

  http://littlewindstories.blogspot.com/

 

 

 

 

 

 

 

 

    

  

 

 

   

 

 

 

 

 

 

 

               Ein sagan á sýningunni...

 

 

 

 

 

 

 

 

 

 

 

 

 

 

 

           Myndirnar blakta.... 

 

 

 

 

 

 

 

 

 

 

 

 

 

 

   

 

   Reykjavíkurtjörn og Fríkirkjan 7.maí 2011... 

Áskorun GÍ um varðveislu Blómagarðsins á Ísafirði og fleira frá Austurvellinum

Í framhaldi af síðustu færslu minni, ákvað ég að bæta þessu við. Áskorun frá Garðyrkjufélagi Íslands varðandi Austurvöll á Ísafirði:

  

14. febrúar 2007

Áskorun GÍ um varðveislu

Blómagarðsins á Ísafirði

Áskorun GÍ, þess efnis að skora á bæjarstjórn Ísafjarðarbæjar að varðveita Blómagarðinn á Austurvelli í sem upprunalegastri mynd sem skrúðgarð fyrir almenning, var tekin fyrir á fundi bæjarráðs Ísafjarðar í síðustu viku. Í bréfinu segir að það væri mikið menningarslys ef „þessi best varðveitti móderníski almenningsgarður landsins eyðilegðist. Við hvetjum Ísfirðinga til að hefja Austurvöll til vegs og virðingar á ný sem aðlaðandi miðbæjargarð með menningarsögulegt gildi fyrir gesti og gangandi.“  En nokkuð hefur verið tekist á um skipulagsbreytingar á Austurvelli síðustu misseri og var bréfi okkar vísað áfram til umhverfisnefndar Ísafjarðarbæjar sem vinnur að endurskoðun á aðalskipulagi bæjarins.  

 

Skrúðgarðar eru menningarverðmæti
Síðastliðið sumar varð einn af mörgum skrúðgörðum Ísfirðinga Austurvöllur, 50 ára. Ísafjarðarbær er líklega það bæjarfélag sem á flesta af elstu og merkilegustu skrúðgörðum landsins. Þar er fyrstan að nefna Skrúð á Núpi í Dýrafirði frá 1909, Jónsgarð á Ísafirði frá 1923, Simsonsgarð frá árunum 1920- 1930 og svo Austurvöll frá 1954. Þetta eru menningarverðmæti sem Ísfirðingar verða að gæta vel og ómetanlegt bæði fyrir heimafólk og ferðamenn að hafa geta notið slíkra unaðsreita sem vel hirtir skrúðgarðar eru. Það má geta þess að mikil ferðamennska er tengd garða og náttúruskoðun t.d. í Englandi og mætti vel gera út á þann markað hérlendis. Í fyrra á 50 ára afmæli Austurvallar þegar ég heimsótti garðinn var fátt sem minnti á þessi tímamót í sögu garðsins og þótti mér sárt að sjá þennan miðbæjargarð Ísfirðinga meira og minna í niðurníðslu. (Útdráttur úr grein Samsons B. Harðarsonar, landslagsarkitekts og varaformanns GÍ, Skrúðargarðar eru menningarverðmæti).

http://gardurinn.is/Default.asp?Sid_Id=16322&tre_rod=005|&tId=2&FRE_ID=51809&Meira=1

 

 

Styttan á "gosbrunninum" sem Lionsmenn gáfu fyrir rúmlega fjörutíu árum.

Að kvöldi 17.júní 2009

 

 

 

 

 Á vef Bæjarins besta á Ísafirði í dag:

bb.is | 17.09.2010 | 13:02Aðalskipulagið endurskoðað

Bæjarstjórn Ísafjarðarbæjar hefur samþykkt að aðalskipulag Ísafjarðarbæjar 2008-2020 verði tekið til endurskoðunar. „Eins og lög kveða á um þarf bæjarstjórn að taka afstöðu til þess að loknum sveitarstjórnarkosningum hvort taka skuli aðalskipulag til endurskoðunar. Vissulega var gildandi skipulag samþykkt síðastliðið vor og er því ekki orðið gamalt eða úrelt. Engu að síður eru ýmis atriði í skipulaginu sem ástæða er til að gaumgæfa,“ segir í greinargerð með bókun bæjarstjórnar.

 

 

"Einn af helstu fulltrúum móderníska garðstílsins hérlendis"

Austurvöllur (frá 1954) á Ísafirði, fyrr og nú!

Systurgarður Hallargarðsins í Reykjavík.  Hannaður af fyrsta lærða landslagsarkitekt Íslendinga Jóni H. Björnssyni.

 

 

 

http://jhb.bthj.is/myndir/2001-08-31AusturvollurIsafirdi/

 

 

 

Jón H. Björnsson landslagsarkitekt, staddur á Hvanneyri í janúar 2008.

Hann bað mig fyrir kveðjur til Ísfirðinga og sagðist vonast til að við myndum hlúa að Austurvellinum, hann hefði áhyggjur af ástandi garðsins!      

http://www.fila.is/frettir.asp?Year=2008&Month=1

 

 

 

Blessuð sé minning Jóns H. Björnssonar.

http://www.mbl.is/mm/gagnasafn/grein.html?grein_id=1026389&ref=nf

Nýr "ráðsmaður" í Hæsta

Nýr rekstraraðili: Guðbrandur Baldursson úr Vatnsfirði í Ísafjarðardjúpi hefur tekið við rekstri veitinga- og kaffisölunnar í Faktorshúsinu Hæstakaupstað á Ísafirði.

Myndin er tekin í júní 2010.  Nú er búið að tjarga þakið og mála girðinguna

 

http://www.bb.is/Pages/26?NewsID=153151

 

Velkominn til starfa Guðbrandur

 

 

 

 

 

Heimasíða í Hæstakaupstað

Faktorshúsið í Hæstakaupstað (ANNO 1788) veitinga- og gistihús á Ísafirði:

 http://www.faktorshus.is/

Velkomin í Hæstakaupstaðinn

 

Virðisaukinn 2010

Þann 21.maí s.l. hélt Atvinnumálanefnd Ísafjarðarbæjar 100. fund sinn í Turnhúsinu Neðstakaupstað.

   

   

 

                                            

 

Að fundi loknum var haldin athöfn á neðri hæðinni, í Sjóminjasafninu.  Formaður Atvinnumálanefndar setti dagskrána en gaf forseta Bæjarstjórnar Ísafjarðarbæjar Gísla Halldóri Halldórsyni orðið.  Hann afhenti aðstandendum rokkhátíðar Alþýðunnar "Aldrei fór ég Suður", Virðiskaukann, frumkvöðlaverðlaun Ísafjarðarbæjar fyrir árið 2010.   

Feðgarnir Örn Elías Guðmundsson (Mugison) og Guðmundur M. Kristjánsson (Muggi/Papa-Mug) eru upphafsmenn að hátíðinni. 

  

Hátíðin hefur verið haldin um páska (í Skíðavikunni) á Ísafirði frá 2004 og handhafi Eyrarrósarinnar 2008, fyrir framúrskarandi menningarverkefni á landsbyggðinni. 

      

Viðstaddir afhendinguna voru auk Atvinnumálanenfdar, ásamt starfsmanni hennar frá Atvinnuþróunarfélagi Vestfjarða og  aðstandendur "Aldrei fór ég Suður", bæjarstjórinn,bæjarfulltrúar og ljósmyndari BB.

   

http://bb.is/Pages/26?NewsID=148730

 

  

    

Verðlaunin eru ætluð sem hvatning til þeirra sem sýna frumkvæði í málum er lúta að sveitarfélaginu og samborgurunum.  Með afhendingu þeirra er einkum tekið mið af framlagi við að auka fjölbreytni í atvinnu, menntun eða afþryeingu, að auka sýnileika bæjarfélagsins á landsvísu, sérstaks árangurs, framtaks á sviði þróunar vöru, þjónustu eða markaðssetningar.

Þjóðhátíð

Í dag er Þjóðhátíðardagur Norðmanna.

Gleðilega Þjóðhátíð

Þessar myndir voru teknar 17.maí 2009, flaggað með norska fánanum á Faktorshúsinu í Hæstakaupstað, Ísafirði.

 

 

  

Norski fáninn við hún á Faktorshúsinu í Hæstakaupstað, á Þjóðhátíðardegi Norðmanna, 17.maí 2009

Norski fáninn á norska húsinu frá Bergen, í Hæstkaupstað á Ísafirði 17.maí 2009.

Norksi og íslenski fáninn 17.maí 2009 

Faktorshúsið var opnað á ný þann 8. maí s.l. með kaffi- og veitingasölu, alla daga vikunnar.

Hér má sjá myndir sem voru teknar við endur-opnunina:

http://friggi.123.is/blog/record/453039/

Hann var tíður gestur á æskuheimli mínu.

Þorvaldur Garðar Kristjánsson og eiginkona hans heitin, Elísabet Kvaran, komu oft á æskuheimili mitt. Þau voru alltaf mjög góð við mig.

http://www.althingi.is/cv.php4?nfaerslunr=610

Í æsku var hann eitt af börnunum í Hrauni á Ingjaldssandi, hjá langafa mínum og langömmu, Bernharði Jónssyni og Sigríði Finnsdóttur.

Árið 1999 var gefið út Niðjatal um "Hraunsættina" á Ingjaldssandi, í tengslum við niðjamót sem haldið var að Núpi í Dýrafirði.  Þar birtist fróðleg frásögn, eftir Þorvald Garðar um "Hraunsárin" hans.

Þar rakti hann m.a. tildrög þess að hann fór með langafa að Hrauni, frá Flateyri, þegar Þorvaldur var aðeins þriggja ára að aldri.  Þorvaldur fæddist í Valþjófsdal, þar sem langafi minn og langamma bjuggu áður.

Blessuð sé minning þeirra hjóna.

 

Fyrirlestur í Vísindaporti Háskólaseturs Vestfjarða

Ég sat og hlýddi á fyrirlestur Sigríðar Ólafar Kristjánsdóttur í Vísindaportinu í hádeginu.  Þar fræddi hún okkur um byggðina í Hnífsdal, mannlíf þar, en ekki síst hið mannskæða snjóflóð sem féll þar þann 18.febrúar 1910, þar sem létust 20 manns. 

Þetta var mjög fróðleg samantekt hjá henni.  Hún sýndi m.a. kort af Hnífsdal þar sem hún hafði fært inn á bæjanöfn og ýmislegt annað sem tengdist sögu staðarins og útræði, birti nöfn fólks og fjölskyldutengsl.

Hún sagði okkur frá ekkjum sem bjuggu áfram á bæjunum og ráku búin eftir lát eiginmannanna, las úr endurminningum Páls Pálssonar og fleira.

Þegar hún nefndi hinar dugmiklu konur í Hnífsdal, hugsaði ég til Valgerðar Pétursdóttur frá Búð sem ég nefndi í fyrri færslum mínum:  http://faktor.blog.is/admin/blog/?entry_id=568210  og  http://faktor.blog.is/admin/blog/?entry_id=570852

Hús í Hæstakaupstað og öðrum kaupstöðum á Ísafirði

Á miðri Skutulsfjarðareyri, er svonefndur Hæstikaupstaður.  Þar reistu Björgvinjarmenn frá Noregi samtal 8 hús á árunum 1788-1791.  Af þessum átta húsum stendur aðeins eitt eftir, en það er íbúðarhús verslunarstjórans, eða Faktorshúsið, sem var reist árið 1788.

Annað hús, sem er kennt við Hæstakaupstað er Sölubúðin, hin yngri, byggð árið 1873, en þá var gamla sölubúðin, frá tíma Björgvinjarmanna, reist 1788, rifin til grunna.

Síðar voru önnur Hæstakaupstaðarhús rifin, síðast Naustið, reist 1788 sem var rifið á fyrri hluta 20.aldar.

Hæstikaupstaður ca 1890, frá vinstri Sölubúðin (1873), Naustið (1788) og Faktorshúsið (1788). 

Á mynd(um) af húsunum frá því um 1920 sést áletrun á Suður-gafli Faktorshússins, en þar stóð: "Hæstikaupstaðurinn", sem var heiti á fyrirtækinu sem var þá starfrækt "í Hæsta". 

Hæstikaupstaður ca 1920, á gafli Faktorshússins, hægra megin á myndinni, er áletrað: Hæstikaupstaðurinn.

Ísfirðingar hafa á seinni árum kallað Sölubúðina "Hæstakaupstaðarhúsið", en ef annað húsið á að vera kennt við Hæstakaupstað með ákveðnum greini, er það að sjálfsögðu eldra húsið, þ.e. Faktorshúsið.

Í Hæstakaupstað standa "Hæstakaupstaðarhúsin, Faktorshúsið og Sölubúðin (verslunarhúsið).

Hæstikaupstaður 17.maí 2008: t.v. Sölubúðin t.h. Faktorshúsið.

Undirrituð hefur kynnt sér vel sögu Hæstakaupstaðar og safnað að sér miklu efni henni tengdu. Fram á síðasta áratug 20.aldar var Faktorshúsið ýmist nefnt skv. götuheiti og húsnúmeri, eða "Hæstakaupstaðarhúsið".  Þegar þar var komið sögu var hafist handa við að hefja bygginguna til vegs og virðingar, þá var "burstað rykið" af upphaflegu skilgreiningunni, þ.e. Faktorshús(ið) (í Hæstakaupstað).

Til vinstri: Sölubúðin, til hægri: Faktorshúsið, í Hæstakaupstað, október 2008.

 

Hæstakaupstað - við Austurvöll á Ísafirði, 17.júní 2008.

Við þetta "risu upp raddir" sem vildu meina að þá væri verið að "stela nafninu af Faktorshúsinu í Neðstakaupstað", sem er að sjálfsögðu alveg út í hött.  Þarna er um sitthvorn "kaupstaðinn" að ræða, að auki var Faktor(shús) í Miðkaupstað, en hann er yngstur hinna þriggja kaupstaða á Ísafirði. 

Í Neðstakaupstað eru húsin nefnd eftir því sem "sagan hermir", þ.e. Faktorshús, Krambúð, Turnhús (á því er reyndar turn ) og Tjöruhús.  Þau hús voru reist á tímum Einokunarverslunar á Íslandi.

 

Neðstikaupstaður á Ísafirði, frá vinstri: Turnhúsið Krambúðin,Tjöruhúsið og Faktorshúsið.